بالنسبة للكلام المنتشر على السوشيال ميديا عن مستشفى الشاطبي،أنا هرد من واقع اللي شوفته بنفسي، مش من بوست على السوشيال ميديا ولا من حكايات منقولة.
قضيت شهرين امتياز في الشاطبي، وبعدهم خمس سنين شغل داخله، وعلى مدار السنين في قسم جراحة الأطفال كنت وما زلت على تواصل دائم مع أطباء النساء والتوليد والعاملين هناك.
وشفت بعيني حجم الحالات اللي بتدخل وحجم المسؤولية اللي شايلينها كل يوم.
أولًا، لو فيه أي تجاوز فردي من أي شخص، فهو مرفوض ومُدان ويجب التحقيق فيه ومحاسبة صاحبه. لكن تحويل مؤسسة كاملة وآلاف الأطباء والتمريض والعاملين إلى “مكان موبوء” بسبب روايات فردية أو تجارب شخصية هو ظلم كبير جدًا.
الناس اللي بتتكلم عن الشاطبي كأنه مكان لا يقدم أي خدمة طبية أو إنسانية، هل تعرف حجم الحالات اللي المستشفى بتستقبلها يوميًا؟
هل تعرفوا كام حالة نزيف حاد بعد الولادة بتدخل ويتم إنقاذها؟
كام حالة تسمم حمل شديد؟
كام حالة انفجار رحم؟
كام حالة حمل خارج الرحم؟
كام حالة مشيمة ملتصقة كانت هتموت لو اتأخرت دقائق معدودة؟
كام حالة أورام نسائية معقدة بتتعمل بالمجان؟
كام حالة مناظير متقدمة بتتعمل يوميًا بكفاءة عالية دون أن تتحمل المريضة تكاليف باهظة؟
كام سيدة كانت حرفيًا على شفا الموت وخرجت من المستشفى سليمة؟
كام حالة طوارئ وحوادث ونزيف حاد بيتم التعامل معاها وإنقاذها كل يوم؟
سألتوا نفسكم كام حالة أورام بتتعمل ببلاش وبمهارة؟
كام حالة مناظير متقدمة الناس بتعملها كل يوم ببلاش؟
حالات المشيمة الملتصقة اللي ناس كتير بره بتخاف تعملها بتتعمل بكفاءة منقطعة النظير وبالمجان.
اعرف أكثر
التحقيق في فضائح “النساء والولادة” بمستشفى الشاطبي
كام سيدة كان مصيرها الوفاة لولا التدخل السريع للأطباء؟
كام حالة معقدة بيرفضها غيرهم ويتم التعامل معاها بكل احترافية؟
الناس اللي بتهاجم من بعيد غالبًا مش شايفة حجم المسؤولية ولا طبيعة الحالات اللي المستشفى بتتعامل معاها يوميًا.
وأحب أضيف نقطة مهمة جدًا، وهي إن الصورة اللي بيتحاول رسمها وكأن المريضة بتكون وحدها ومعزولة عن أهلها مش دقيقة بالشكل اللي بيتقال.
أزواج السيدات وأمهاتهم وأقاربهم بيدخلوا ويتابعوا معهم بشكل مستمر، وآلاف السيدات بيدخلوا ويخرجوا من المستشفى كل شهر. ولو كانت الصورة الكارثية المطلقة اللي البعض بيصورها حقيقية بهذا الشكل، لكانت الشكاوى والبلاغات اليومية لا تتوقف.
كمان في واقع اجتماعي صعب جدًا بيتعامل معاه المستشفى كل يوم، والناس اللي بتكتب من وراء الشاشات غالبًا مش شايفاه.
فيه سيدات بتيجي تولد وتسيب أطفالها وتهرب.
فيه أطفال بيتسابوا في الحضانات دون أب أو أسرة تتولى مسؤوليتهم.
فيه حالات بتيجي بدون بيانات أو أوراق مكتملة.
وفيه أطفال مجهولو النسب بيفضلوا لفترات طويلة تحت الرعاية لحين استكمال الإجراءات القانونية والاجتماعية اللازمة.
دي مش قصص بنسمعها، دي وقائع بيتعامل معاها العاملون في المستشفى بشكل يومي.
أما عن نواب النساء والتوليد، فأتمنى قبل ما أي حد يحكم عليهم إنه يعيش أسبوعًا واحدًا فقط من حياتهم.
اعرف أكثر
السيسي يواجه مخططات إسرائيل وغيرها برؤية متكاملة خلال مشاركته في قمة مجموعة السبعة
حياة مليئة بالضغط والمسؤولية المستمرة:
ساعات عمل طويلة،
مبيت متكرر،
طوارئ لا تتوقف،
عمليات تمتد لساعات،
قرارات مصيرية بين الحياة والموت،
ضغط نفسي وعصبي هائل.
أيام كثيرة تمر دون نوم كافٍ،
وجبات تؤجل أو تُلغى بسبب حالة طارئة،
مناسبات عائلية تضيع،
وحياة شخصية تُؤجل باستمرار.
كل ذلك من أجل مريضة تحتاج تدخلًا عاجلًا أو حياة يجب إنقاذها.
الغريب أن الناس لا تتحدث عن الحالات التي تم إنقاذها،
لا تتحدث عن الأم التي عادت إلى أطفالها،
لا تتحدث عن الجنين الذي خرج للحياة رغم صعوبة الظروف،
لا تتحدث عن الطبيب الذي ظل واقفًا لساعات طويلة في غرفة العمليات حتى ينتهي من حالة معقدة.
لكن يكفي منشور واحد مليء بالغضب والاتهامات حتى يتحول إلى حقيقة مطلقة عند البعض.
وفي حاجة كمان لازم تتقال:
للأسف، في زمن السوشيال ميديا بقى فيه ناس كتير أول ما تلاقي قصة مثيرة أو هجوم على مؤسسة كبيرة، تجري تشارك وتكتب وتضيف، مش بحثًا عن الحقيقة، ولكن بحثًا عن التفاعل والترند.
بقى أسهل شيء إنك تكتب بوست هجومي وتحصد آلاف اللايكات والشيرز، وأصعب شيء إنك تنزل تشوف الحقيقة كاملة على الأرض.
ناس كتير عمرها ما اشتغلت يوم واحد في المكان، ولا شافت حجم الحالات اللي بتتعامل معاها المستشفى يوميًا، ومع ذلك بتتكلم وكأنها عاشت كل التفاصيل.
اعرف أكثر
تفاصيل مرعبة في واقعة خطف والاعتداء على سيدة الميكروباص بأبو النمرس
وبعض الناس للأسف بقت بتجري وراء الموجة وخلاص:
طالما فيه هجوم يبقى لازم نشارك فيه،
طالما فيه ترند يبقى لازم نركبه،
طالما فيه ضجة يبقى نزود في الضجة.
من غير تحقق،
من غير توازن،
ومن غير ما يفكروا في تأثير الكلام ده على آلاف الأشخاص اللي بيشتغلوا ليل نهار لخدمة المرضى.
النقد حق،
والمحاسبة واجبة،
وأي خطأ يجب التحقيق فيه ومعالجته.
لكن فيه فرق كبير بين النقد والإصلاح، وبين شيطنة مؤسسة كاملة ومسح تاريخ طويل من العمل والتضحيات والنجاحات بسبب روايات أو وقائع فردية.
الحقيقة دائمًا أكبر من بوست،
وأعمق من ترند،وأكبر من محاولة اختزال مكان كامل وآلاف البشر في صورة سوداء مطلقة.
*الكاتب، أستاذ جراحة الأطفال وحديثي الولادة
عن الكاتب
