وحدة التلفزيون والسوشيال ميديا/مريم طاحون
بعد حالة من الجدل حول الميول الحقيقية للسوبرانو الأمريكية ذات الأصول المصرية شيرين طارق، التى شاركت في حفل افتتاح المتحف المصري، قالت أنها شائعات مجنونة أغضبتنى أنها أضفت غمامة على الحدث الأهم.
وأضافت وفق تصريحاتها للإعلامى أحمد سالم في برنامجه كلمة أخيرة، إنها ضحكت عليها كثيرا، فهى متزوجة من رجل محترم وسعيدة غي حياتها.
لكن شيرين لم توضح ما هو الحدث الذي أثار الجدل التى شاركت فيه، ولماذا أزالت الفيديو المثير من حساباتها، كما لم تشر إلى حقيقة دعمها لهذه الكيانات، خاصة أن البعض رصد ردودا مثيرة للجدل والاستفهام.
واعتذر لها سالم، بقول أن البعض يبحث عن السبيسي في السوشيال ميديا، وقال لها ظهورك فى حفل إفتتاح المتحف المصرى الكبير عجب الكثير و مبسوطين إنهم إكتشفوا فنانة مصرية عالمية إحكيلى عن شعورك و إنك بتقدمى حاجة للمصرين لأول مرة.
= أنا مش مصدقة لحد دلوقتى إحنا كنا بنتدرب لوقت طويل لحد ما جه يوم الإفتتاح حسيت بكم دفئ و حب لما شوفت كم الترحيب ده و كإنى فى حدوتة حلوة و حسيت بحب كبير من البلد.
– طب جهزتى نفسك إزاى
= الحقيقة إن كل حاجة جهزت مع الفنانين التانيين اللى كانوا موجودين فى الحفل هشام نزيه كان رائع و إشتغلنا كتير على المـؤثـرات الصوتية و إزاى هنحكى الحدوتة دى و المشاعر دى و نخلى الناس تحس باللى إحنا بنعمله.
– طب إطلالتك اللى المصريين كانوا معجبين بيها مين اللى عملها
= أنا كنت محظوظة إنى كنت مع مصممة الأزياء نورا عزازى اللى صممت ملابس كتير فى الحفل ده خلتنى أظهر بشكل فوق الممتاز
– دى حاجة جميلة منك إنك تعترفى بفضل كل من شارك بحاجة فى اليوم ده.. طب روحتى فين فى مصر أنا أعرف إنك من إسكندرية.
= أنا أخيرا بعيش تجربة مصرية بجد أنا دلوقتى فى أسوان بستمتع بالجو الجميل هنا و بعد كده هروح إسكندرية لإنها وحشتنى جدا
– بتشوفي السوشيال ميديا و بتشوفى اللى بيتقال عنك؟
= طبعا أنا حسيت بحب كبير و دعم و فخورة إنى مصرية.
عن الكاتب
