وحدة تصحيف السوشيال/ هاجر الأسوانى
واحد من أبرز مؤشرات رواج نظام الطيبات المنسوب للطبيب الراحل د.ضياء العوضي، الصور المنتشرة على منصات السوشيال ميديا بخواء متكرر لأماكن توست الحبة الكاملة أو العيش الأسمر في الهايبرات والسوبر ماركتس، بخلاف اللحم الضانى.
وكان من المفارقات أن رجل الأعمال الشهير فرج عامر، استغل هذا الرواج للإعلان عن توت الحبة الكاملة من مصانعه، بخلاف الفيديوهات المنتشرة على السوشيال ميديا التى تشرح طريقة عمله، و الأفران التى أعلنت أنها تخصصت فيه وجاهزة للتوصيل في كل مكان.
حالة غريبة كان من المهم الوقوف عليها، بأبعادها الدعائية والصحية والنفسية والاقتصادية، خاصة أنه من الممكن لها أبعاد أكثر تعقيدا في فكرة الرواج السريع لشئ ما بعينه في المجتمع المصري، وفكرة أن انتشارها في حد ذاته، يؤكد نوع من أنواع الاعتراض على التضييق الذي تعرض له العوضي حتى سافر خارج مصر، وكانت وفاته الذي يشكك فيها البعض حتى الآن.
اعرف أكثر
نقيب أطباء أسيوط لـ”إندكس”: الطيبات قتلت ضياء العوضي نفسه!
وعموما لأننا في وكالة الأنباء المصرية|إندكس مع أى إطار صحي، مهما كان الجدل المجمل حتى تفاصيل نظام الطيبات، لكننا بالطبع مع معجنات الحبة الكاملة الصحية، والتى يدعو لها كل الأطباء وخبراء التغذية الصحية منذ سنين، وقبل العوضي بالطبع، وبالتبعية ننشر طريقة عمله بالمنزل بالتفصيل.
توست الحبة الكاملة
🧾 المكونات:
3 كوب دقيق قمح كامل
1 ملعقة كبيرة خميرة فورية
1 ملعقة كبيرة عسل (أو سكر)
1 ملعقة صغيرة ملح
2 ملعقة كبيرة زيت (أو زبدة)
1½ إلى كوب ماء دافئ (حسب احتياج العجين)
👩🍳 الطريقة:
1️⃣ تفعيل الخميرة
اخلطوا الماء الدافئ + العسل + الخميرة
اتركوه 5–10 دقايق لحد ما يرغي
2️⃣ العجن
ضيفوا الدقيق + الملح + الزيت
اعجنوا كويس 10–15 دقيقة
العجينة هنا بتبقى أتقل شوية من العادي، وده طبيعي
اعرف أكثر
💡 مهم: دقيق القمح الكامل بيشرب مية أكتر، فزودوا المية تدريجي
3️⃣ التخمير الأول
غطوا العجينة وسيبوها في مكان دافئ
من 1 ساعة لـ 1.5 ساعة لحد ما تكبر
4️⃣ التشكيل
طلعوا الهوا من العجينة
شكّلوها رول وحطوها في قالب التوست
5️⃣ التخمير الثاني
تسيبوها 30–45 دقيقة لحد ما تعلى
6️⃣ الخَبز
فرن سخن على 180 درجة
لمدة 30–35 دقيقة
ممكن تغطوا الوش بورق فويل لو اتحمر بسرعة
اعرف أكثر
7️⃣ التبريد
سيبوه يبرد تمامًا قبل التقطيع
🔥 أسرار تخليه طري مش ناشف:
زودي شوية مية عن العادي
اعجني كويس جدًا
ممكن تضيفوا ملعقة عسل زيادة أو معلقة زبادي (تدي طراوة رهيبة)
ما تكترش دقيق أثناء العجن
💡 النتيجة:
هيطلع معاكوا توست صحي 100%، مشبع وطعمه جميل بس قوامه أتقل شوية من التوست الأبيض وده طبيعي جدًا.
عن الكاتب
