فريق تصحيف السوشيال ميديا
أصداء كبيرة من الغضب تسببت فيها كلمات والدة النجم الجديد للمنتخب المصري مصطفي زيكو مع ريهام سعيد، والتى اشتكت من عدم قدرته على زيارتها حتى الآن منذ عاد لأرض الوطن بحجة الاحتفالات، رغم أن الكابتن حسام حسن نفسه كان يقول أن سبب من أسباب الخير اللى إحنا فيه والدة زيكو، خلينا تدعى لنا على طول.
وقالت والدة زيكو للإعلامية ريهام سعيد: أنا والله فرحانة بالمكانة اللي هو فيها بس شغله واخده مننا جامد، وإن هو بقى بيفضل شغله عن الحياة الأسرية، هو أي لعيب كده مش هو بس.
ووفق قول والدة زيكو، اتصلت بيه وقولتله أنا نفسي أروح الاستاد وأقابلك هناك طالما أنت مش راضي تيجي، قالي والله يا ماما هتبقى بهدلة وناس كتير وجمهور كتير فهتبقى بهدلة عليكي كده كده أنا جاييلك.
وتابعت، طب هتيجي إمتى؟ قالي والله العظيم مش فاضي بس أخلص الاحتفالات وهاجي، قولتله طب أمانة عليك بس تعالى، وأوضحت أنها من 20/ 5 من يوم ما راح المعسكر في أمريكا وأنا مشوفتوش وكمان من قبل 20/ 5 من 1/ 5 كان وراه كل تلات أيام ماتش.
وقالت والدة زيكو لإبنها الذي سيخجل بالطبع من نفسه: وحشتني جداً جداً، مضيفة، الوحيد في إخواته والله ما كان بيخلي حد يزعلني، ولو حد اتكلم عليا كلمة كده كان هو اللي يزعقله، وكنت أنا كنت عنده في حياته رقم واحد.
وواصلت كلامها بمنتهى الحزن: مراته بقى الحمد لله، مراته بقى رقم واحد دلوقتي وأنا رقم اتنين، وراضية وقابلة والله عادي أنا كده كده متحضرة يعني، ومتعلمة أنا مش جاهلة.
وأضافت والدة زيكو : هو واعدني والله هو بيكلمني على طول هو واعدني إنه هييجي، وأنا متقبلة بس أنا أم بردو.
عن الكاتب
