فريق أى خدمة
مع تكرار حوادث انفجارات التكييفات، والتى تتسبب في كوارث بخسائر في الأرواح وتكبدات مادية لعدم الخبرة والمعرفة في التعامل مع الموقف، مع علامات استفهام كثيرة حول مستويات الدفاع المدنى، رغم خسارتنا عدد من الشهداء من قواته وبرتب مختلفة في كارثة حريق منشية ناصر.
وهناك العديد من الخطوات التى من الضرورى إتباعها لإنقاذ نفسك وأسرتك من الكارثة قبل أن تقع.
1. التكييف.. وحش الصيف
سلك محمل : يحءر تماماً توصيل التكييف على مشترك عادي! التكييف محتاج خط لوحده من اللوحة وسلك تخين محمل (على الأقل 4 أو 6 ملم) عشان يستحمل السحب.
الصيانة الدورية:نظف الفلاتر بانتظام. لما الفلتر بيتسد، الموتور بيبذل مجهود مضاعف ويسخن، وده ممكن يعمل كارثة.
ريح التكييف: لا تترك التكييف شغال 24 ساعة متواصلة.. ريحه شوية وشغل المروحة، خصوصًا في أوقات الذروة.
2. احذروا “المشتركات” الصيني
بلاش رخص: المشترك الضعيف قنبلة موقوتة في البيت. هات مشترك نضيف، معتمد، وفيه فيوز أمان بيفصل لو الحمل زاد.
لا توصل عدة أجهزة على مسترك واحد، مثل (الكاتل، والميكروويف، والثلاجة) مع بعض. الجهاز اللي بيسخن (زي الدفاية، الكاتل، المكواة) لازم يتوصل في الفيشة اللي في الحيطة مباشرة
3. عادات يومية بسيطة لكن تفرق
وأنت نازل من البيت أو مسافر، شيل فيش الأجهزة اللي مش ضرورية (تلفزيون، ريسيفر، ميكروويف، شواحن). الشواحن المتسابة في الفيشة دي لوحدها بتسخن وممكن تعمل قفلة.
أجهزة المطبخ والغسيل: الغسالة والثلاجة والميكروويف متخليهمش ملامسين للمياه أو الحوائط الرطبة عشان ميسربوش كهربا.
أول ما تشم ريحة بلاستيك بيسيح أو تسمع صوت “تكتكة” في المفاتيح، إجري فوراً وافصل لوحة الكهرباء العمومية وكلم كهربائي يجي يبص.
وركب في لوحة الكهرباء مفتاح أمان عمومي اسمه (Earth Leakage) أو قاطع الحماية من التماس، ده بيفصل الكهرباء فوراً لو حصل أي تسريب أو ماس قبل ما تحصل حريقة.
عن الكاتب
