فريق حوداث وجرائم
مقتل عاملة الشاى على طريق الجيش في حدائق الأهرام، بسبب فتاة عمرها 15 عاما تقود سيارة والدها بمنتهى الرعونة، أثار تفاعلا كبيرا خلال الساعات الأخيرة، وسط أجواء من الحزن والغضب.
بنت غلبانة أسمها هدير عندها 24 سنة عاملة مشروع بسيط عربية شاي وقهوة علي طريق شارع الجيش بحدائق الأهرام، بتوقف كل يوم بالـ 14 ساعة بتسترزق منه وتصرف بيها علي أهلها ترجع بـ 200 ولا 300 جنية كل يوم والدنيا بتمشي.
هدير النهاردة الصبح كانت واقفة مع صاحبتها عالعربية بيحكوا وبيهزروا، ومرة واحدة وفي ثواني تيجي عربية ملاكي مسرعة راكباها عيله عندها 15 سنة، ومعاها شاب راكب جنبها وتخبطهم بقوة شديدة جدا لدرجة أن هدير تتوفي في الحال، ومنظر جثتها كان صعب جدا، إيديها ورجليها ووشها متكسرين ومتقطعين بشكل بشع.
اعرف أكثر
بهاتريك وإصابة خطيرة وطردين: ظهور ماسأوى لقطر بسداسية كندية
وأصيبت صاحبتها بكدمات وكسور متقدمة , بس كان فيه ناس واقفة علي جنب وماشين عالطريق شافوا اللى حصل بعنيهم ونزلوا , ولكن منهم كان فيه سيدة شجاعة وأصيلة، نزلت وكانت بتبكي علي المنظر اللي شافته وهدير تطير في الهواء ، وتقول للبنت قتلتيها يا مجرمة! حرام عليكي! إنتي إزاي تسوقي أصلا وإنتي في سنك ده وممعكيش رخصه حرام عليكي، ولله لأحبسك وفضلت تصورها!
تخيل، رد البنت كان إيه عالست؟ طبعا كانت خايفة ومرعوبة؟ لأ .. طب توسلت للاعتذار؟ لأ.. إنهارت من العياط؟؟ لا ولا حاجة، دي كانت واقفة بكل تناكة حاطة إيديها في جيبوه، ولما الست زعقت فيها طلعتلها لسانها وعملت حركة الميدل فينجر، والواد اللي معاها بيقولها سيبك منها.
اعرف أكثر
جنوب أفريقيا تعود للحياة المونديالية من جديد..وسويسرا توجع البوسنة والهرسك برباعية وطرد
أقسم بالله ده إللى حصل، والست وقتها انفجرت من الغضب فيها ، وقالتلها بتطلعي لسانك ومش هامك! إنتي إزاي مش متربية كده؟ الجحود ده جيباه من فين؟؟ ده إنتي لسه مموتة بنت غلبانة شقيانة علي أكل عيشها وواقفة بعربيتها علي جنب وبعيد عن العربيات وفضلت تصورها لحد ما وصلوا أهل البنت وخدوها ومشيوا، ولا نعرف كيف تركها الأمن؟
وبعدها جت الإسعاف ونقلت جثة المسكينة اليتيمة هدير وصاحبتها اللي حرفيًا كانت متدمرة، وجت المرور شالت عربية هدير أو أخر ما تبقي منها!
عن الكاتب
