مش عارف ليه فيه ناس بتحب تفسد فرحة المصريين بأي شيء كويس، حفل افتتاح المتحف كان حدث عظيم وكبير ومش محتاج حتي دفاع عنه لأن نتائجه واضحة في السياحة.
وعلي فكرة حفلة افتتاح المتحف هدفها كان افتتاح المتحف مش عمل موسيقي أو فني للتاريخ، وبالتالي الغرض تم تحقيقه تماما وتم افتتاح المتحف.
وبعدين تلاقي ناس بتكتب أصل اللي شاركوا فيهم العبر وكمان مش بيعرفوا يتكلموا عربي، علي فكرة بقي بناتى أميرة ومريم بيتكلموا عربي ومن يوم ما اتولدوا وانا بكلمهم عربي ولكن بما أنهم عايشين في أوروبا،
وده لأن أوروبا فيها أحسن تعليم موسيقي وده لا يعيبهم في شيء ولكن هما مش بيمارسوا اللغة طول الوقت وبالتاي بيكونوا مترددين أنهم يقولوا حاجة غلط.
وبما أنهم بيحبوا يكونوا دايما متمكنين من أي شيء بيعملوه فبيفضلوا في أي مواقف إعلامية أنهم يلجأوا للغة هما متمكنين منها.
وأنا دايما حريص إني أربطهم ببلد أبوهم وجدهم، ودعوتهم للعزف في هذا الحدث التاريخي كانت بمثابة أقوي رابط لهم بحضارتهم وتاريخهم وتواصلهم مع جدهم الذي أفني عمره لرفعة الفن المصري علي مدار أكثر من ستين عاما.
طاير من السعادة وأنتم معايا ومشرفني في كل حتة بتروحوها يا أجمل حاجة حصلت لي في حياتي فخور بيكم وبموسيقتكم وجمالكم وروحكم وجديتكم وشطارتكم.
الرئيس الألماني بعد انتهاء الحفل أصر أنه يسلم علي أميرة ومريم ويتصور معاهم كمان.
اعرف أكثر
عمرو محسوب النبي يسطر لـ(إندكس):واقعتان من المتحف للحرم تطرحان أسئلة صعبة معقدة
سافرت أحضر حفلة لأميرة في ڤيينا مع أوركسترا إذاعة النمسا، الحفلة كل تذاكرها خلصت قبلها بشهر، الجمهور استقبلها استقبال عظيم.
أميرة ومريم رجعوا علي مصر للمشاركة كعازفين صولو في واحد من أهم الأحداث الثقافية في التاريخ.
عن الكاتب
