من فريقى المتابعات الإخبارية وتصحيف السوشيال ميديا
ننشر تحليل لغة الجسد للنجمين محمد صلاح ومحمد رمضان، بعد حالة الجدل التى أثارها الفيديوهين اللذان انتشرا خلال الساعات الأخيرة، على خلفية موقفهما من حرب إبادة غزة، والتى تتدافع حولها ردود الفعل المحلية والعالمية من مختلف المشاهير بالسلب والإيجاب، من خلال خبير لغة جسد يدعى أحمد سمير.
فيديو محمد صلاح:
١. ثبات العين يدل على القراءة، ودة خلى لهجته في النطق الإنجليزي مش مظبوطة، واضح إن لغته الإنجليزية سماعية وليست قرائية.
٢. هدوء نبرة الصوت وثباتها النسبي معناه إنه موجه الفيديو أصلاً للشعب البريطاني، لأنه شعب مشهور بالبرود وعدم تصديق الانفعالات والصوت العالي والبكاء، فهو غالباً حاول يكلمهم بأسلوبهم.
٣. مفيش دليل لغة جسد إنه تم إجباره على شيء، لكن واضح إن فيه نقاشات كتير مع فريق العمل بتاعه.
٤. هل دة محمد صلاح ولا AI؟؟ حقيقي مقدرتش أميز.
فيديو محمد رمضان:
١. علامات التمثيل كتيرة جداً، تلاعب عضلات أسفل العينان بتدل إنه كان شايف نفسه في الشاشة وبيحاول يصنع تأثير بصري.
٢. انتقال نبرة صوته من الهاديء للصراخ مرة واحدة علامة تمثيل كبرى، لأن في الانفعال الحقيقي الانتقال بيكون متدرج سريع، مش تقلب مفاجيء سريع.
٣. كونه بيتعمد التمثيل مش تهمة، دي شغلته… وممكن جداً إن مهنته مأثرة عليه حتى لو كان شعوره صادق، يعني ممكن يكون شعوره صادق بس برضه هيعبر عنه بالتمثيل بحكم التعود.
معلش لو تحليلي مش عاجبك… أنا مكتبتش أهوائي لكن كتبت التحليل، وتقدر ترجع لأي مرجع دولي محترم في المجال وتراجع ورايا.
أظن بقى نقفل التريند دة وننتبه للقضية الأصلية أفضل.
القضية أكبر من اهتمامنا بنجوم ترفيه وكأننا نسينا الأطفال اللي بتموت
ليه الناس بتحب لغة الجسد؟ ⁉️
عشان الناس عندها شغف تعرف ما وراء الكلمات، رحلة الإنسان في محاولة اكتشاف النوايا هي رحلة بدأت منذ أول جيل للبشرية، ولكن هنعرف برضه إن النوايا علمها عند الله فقط، لا لغة جسد ولا يحزنون يقدر يخلينا نعرف نوايا الآخرين بيقين.
وفيه أسباب تانية كتير بس دة أهمها.
متخصص علم لغة الجسد ، يحلل فيديوهى محمد صلاح ومحمد رمضان
يعني إيه لغة الجسد؟ ⁉️
هي منهج تقييمي بيعتمد على تحليل حركات الإنسان وفق قواعد محددة، وتأتي النتيجة لتقدم احتمالات عن مشاعر وأفكار الشخص، وليس نواياه الداخلية.
ونسبة دقة المنهج حسب أحدث الدراسات 85%، بمعنى أنه من الخطأ اعتبار نتائج التحليل نهائية ويقينية.
هل لغة الجسد علم ومثبتة علمياً؟ ⁉️
لازم الأول نعرف أن المعرفة الإنسانية تنقسم لدرجات:
١. الخرافات والدجل.
٢. العلوم الزائفة.
٣. المهارات والفرضيات.
٤. النظريات والعلوم.
رقم ١ و ٢ تداولهم غلط، لكن رقم ٣ و ٤ حاجات إيجابية.
لغة الجسد في رقم ٣ زيها زي مهارات التفاوض – مهارات الإلقاء – مهارات الإقناع …. إلخ…. كل دول لا ينطبق عليهم مصطلح ((علم)) ولكنهم مساندين للعلوم.
ليه منعملش أبحاث وتتحول لعلم؟ ⁉️
لأن مناهج المهارات بعض قواعدها ممكن تختلف من زمن لزمن، ومن ثقافة لثقافة، ومن مجتمع لمجتمع، بل وفي لغة الجسد بالتحديد هنعرف إن فيه اختلاف من شخص لشخص (اللزمات الحركية اللاإرادية) على عكس العلوم اللي قواعدها واحدة، وبالتالي صعب الأبحاث تتطور وتتحول لعلم.
وتتضمن الحركات العضلية المطولة (زي واحد بيغمز بعينه لمدة ثانية أو أكتر) ثانية كاملة دة وقت طويل في لغة الجسد.
النوع دة كله يمكن تمثيله، وعندنا قواعد محددة عشان نكتشف إنها تمثيل، بس آه ممكن يتم خداعنا لو كان الممثل محترف جداً.
⚠️ لغة الجسد اللإرادية:
ودي اللي اكتشفها باتريك كوازسكي سنة ٢٠١٦ (قريب أوي) وأسماها Microexpression وهى حركة عضلات الوجه السريعة (أقل من نصف ثانية)
وإذا كان الإنسان يتحدث لا يمكنه تمثيل هذا النوع، عشان كدة هي أدق مستوى من لغة الجسد في النتائج.
دي مقدمة بسيطة عن لغة الجسد، واعذروني لو هتكلم في علوم إنسانية في ظل الظروف دي، بس الواحد بيحاول يخرج من الحالة النفسية اللي أصابتنا كلنا بسبب الاعتداءات، ربنا ينصر أهلنا في غزة.
