فريق تصحيف السوشيال ميديا
وسط حالة كبيرة من الجدل في مصر، ظهر المصارع المصري محمد مصطفى علي الشامي لاعب منتخب مصر للمصارعة الحرة، لأول مرة بعد اختفاءه بروما ليكشف أسباب هروبه المثير للجدل.
الشامى نشر منشوراً عبر حسابه على “إنستجرام” كشف فيه تفاصيل اختفائه في روما واعتذر فيه لأسرته.
نص المنشور:
> “أنا اللاعب محمد مصطفى علي الشامي، لاعب منتخب مصر للمصارعة الحرة.
> بعتذر لوالدي و أسرتي على كل اللي حصل، ومكنتش أتمنى أبداً إني أوصل للمرحلة دي.
اعرف أكثر
المصارعة كانت وما زالت جزء كبير من حياتي، بدأتها وأنا عندي 7 سنين، وعشت سنين طويلة بحلم إني أرفع علم مصر وأحقق إنجاز يفضل الناس فاكرينه.
> الحمد لله، قدرت أرفع علم بلدي في بطولات أفريقيا وبطولات دولية كتير، وكان أكبر حلم عندي إني أحقق ميدالية أولمبية وأوصل لأعلى مكان ممكن في الرياضة اللي حبيتها وعشت عمري كله عشانها.
> لكن في لحظة معينة، حسيت إن والدي تعب، وإن الحياة بقت صعبة عليه، وأنا أكبر إخواتي، فكان لازم حد يضحي ويتحمل المسؤولية.
> أنا بعتذر مرة تانية لوالدي ولأسرتي، وبعتذر لكل شخص وقف جنبي وساعدني وساندني في مشواري، ومش هنسى أبداً وقفة أي حد معايا.
اعرف أكثر
دعاء فؤاد يسطر: عقوق أبناء أم جحود آباء..المجتمع إلى أين؟
> بس غصب عني، أنا لقيت نفسي كبرت ومبقتش عارف أطلب من والدي حاجة، والدعم اللي بيجيلي ميخلنيش أعيش حياة كريمة، وأنا لازم أأمن نفسي وأأمن حياتي، وده مش موجود في الوقت الحالي.
> فكان لازم ده يحصل، لأن أنا لو قدر الله حصلت إصابة مكنتش هلاقي، أو لو بطلت مصارعة مكنتش هلاقي دعم بعد كل اللي أنا حققته من إنجازات.
> يمكن الطريق اتغير، ويمكن الحلم اتأجل، لكن الحلم نفسه لسه موجود، وإن شاء الله هرجع أكمل مشواري، وأرفع علم بلدي من جديد، وأحاول أحقق الحلم اللي مقدرتش أحققه لحد دلوقتي.
> ربنا يكتبلي الخير 🇪🇬❤️
اعرف أكثر
ما الذي تفعله إثيوبيا “الحبيسة” في حوار بحري؟ ونيروبي..الوسيط أم اللاعب؟
> حاجة بسيطة: أنا لو قعدت 15 سنة كمان في نفس المكان اللي أنا فيه مش هلاقي أجيب شقة أتجوز فيها.”
سياق الخبر:
اختفاء محمد الشامي جاء على هامش معسكر المنتخب في روما استعداداً لبطولات دولية، وهو ما أثار جدلاً واسعاً حول أوضاع اللاعبين والدعم الرياضي.
المنشور لاقى تفاعلا كبيرا، بين متعاطف مع ظروفه، وبين من طالب بعودته لاستكمال مسيرته الرياضية باسم مصر، ربنا يوفقه للي فيه الخير
عن الكاتب
