وحدة تصحيف السوشيال ميديا
في الوقت الذي تعتمد فيه المائدة المصرية علي اللحوم الهندية والبرازيلية ، قرر الاتحاد الأوروبي تفجير قضية ليست أقل من تهديدات امريكا و الكيان “اميرة كامل – واسراء ” في ضرب ايران و الخليج بالنووي .
بنقول ده ليه لأننا، و نحن نستعد أن نحصل علي قطعة لحم صدقة من الميتيسرين ، عشان نشرب شوية شوربة ، تروم العضم، أقول لكم لا عضم و لا ركب، لقد وقعنا في الفخ، و الخبر مش من عندياتي الخبر من بروكسل الاتحاد الأوروبي اللي قرر عمل حظر علي كل البروتينيات البرازيلي، أيوه يا عم فراخ و لحم أبقار السمبا فيه سم قاتل ، إزاي يا سيدي خليك معايا يا قلب أخوك.
الأخبار السودة بتقولك ، أن الاتحاد الأوروبي قرر إيقاف استيراد جميع اللحوم سواء ماشية أو طيور من دولة البرازيل التي تعتبر أكبر مصدري العالم للحوم – وإحنا أكثرهم- بداية من سبتمبر المقبل.
وذلك بعد أن أظهرت نتيجة التحاليل وجود آثار المضادات الحيوية ومحفزات النمو في اللحوم المذبوحة، والتي تؤثر سلبيا علي صحة الانسان و كأهم مسببات العديد من الامراض العصريه والتي تصنف أمراض مزمنة مدي الحياة.
يبقي القصة مش طيبات و لا شيطانيات، و مش تحريم ما أحله الله ولا القصة انظمه غذائية ولا القصة ضرب اقتصاد .
القصة هو غياب الضمير والثراء السريع وضعف الرقابة علي المزارع بعمليات الذبح قبل التخلص من آثار تلك الكيماويات من لحوم مزارع الحيوانات والدواجن والأسماك و الخضار
ما تشوفوا العيانين اللي بقالهم سنين ارتاحوا ليه دلوقت
قالوها لينا زمان الجمل طلع النخلة قلنالهم أدي النخلة وأدي الجمل والجمال طلعوه قدمنا
كل واحد عقله في راسه يعرف خلاصه.
الحمد لله عندياتنا بيتقال أننا بنستورد اللحوم دي البرازيلي و الهندي و الكولومبي، و الكوبي وبنجبهم عنديتنا صاحيين و بناكلهم بتاع شوية حلوين لحد ما يبقي طعهم حلو، و يتعمل شوربة حلوة، والدليل انك تقدر تجيب 100 ألف جنية، وساعات 150 ألف و تنزل تشتري بقرة برازيلي صاحية و بترقص قدامك، و فيه خرفان صاحية وبتنطح لوز في الشوادر.
ومعمول عليها أكبر تحليلات و كشوفات طبية، أومال ليه بتوع الاتحاد الأوروبي دولي دخلين داخلة الدكتور الراحل ضياء، و لا هما ماشين علي خطي ترامبولينا و بيضربوا اقتصاد البرازيلي ، بعد ما دا سيلفا رئيس البرازيل ما غسل أمريكا و الغرب من كام يوم.
اعرف أكثر
لميس الحديدى تسطر: ماذا يعنى تقييم نائب رئيس الوزراء المتراجع للاستثمار في مصر
و لا عشان المزارعين في أوروبا لموا الجرارات و قفلوا شوارع بروكسل، وسكبوا اللبن علي الارض احتجاجا علي خسائرهم الكارثية بعد ما رئيس المفوضية عمل اتفاقيات اقتصادية مع البرازيل من كام شهر، وهما شايفنها اتفاقيات كارثية.
طب إحنا هنتأثر، و لا السعر هيقل، و خمشرب شوربة بالمضاد الحيوي و منها شرب و علاج من الأمراض اللي هتجبها
هانشوف بقي، عواف عليكم
عن الكاتب
