وحدة الرصد التلفزيونى وقطاع تعليم/إندكس
كشف ياسر عرفات، الأمين العام لنقابة المهن التعليمية، تفاصيل قرار مجلس الوزراء برفع قيمة الحصة للمُعلمين العاملين المتعاقدين بالحصة، إلى 50 جنيهًا.
زيادة مرتبات المُدرسين 2024
قال عرفات خلال مداخلة هاتفية ببرنامج «حضرة المواطن»، عبر فضائية «الحدث اليوم»، إن قرار رفع قيمة الحصة للمُعلمين يتكون من جزءين؛ الأول زيادة قيمة الحصة للمعلمين المعينين، والثاني للمعلمين المتعاقدين بالحصة.
وأضاف: «الموظف المعين اللي كان بياخد حصص احتياطي بـ20 جنيه ومكنش بياخدها، دلوقتي المعلم ده ياخد 50 جنيه على كل حصة هياخدها، والمعلم غير المتعاقد اللي بيشتغل بالحصة، ده هياخد على الحصة 50 جنيه بدل 20».
وتابع: «المدرس المعين لو هياخد حصتين في اليوم في 5 أيام يعني 10 حصص بالأسبوع في 4 أسابيع يعني 40 حصة في 50 جنيه يعني 2000 جنيه شهريًا».
وتابع الأمين العام لنقابة المهن التعليمية: «المدرس اللي بيشتغل بالحصة لو بياخد 5 حصص في اليوم الأسبوع يعني 25 حصة في 4 أسابيع يعني 100 حصة يعني 5 آلاف جنيه شهريًا».
قرار زيادة مرتبات المُدرسين 2024
كان مجلس الوزراء، قد وافق على ما تم التوافق عليه بين وزيري المالية، والتربية والتعليم والتعليم الفني، بشأن تحديد قيمة الحصة فوق النصاب القانوني للمُعلمين المُعينين الذين سيقومون بالتدريس فوق النصاب، لتكون بقيمة 50 جنيهًا.
كما وافق مجلس الوزراء على زيادة قيمة الحصة لمُعلمي الحصة من خريجي الكليات المُؤهلة للتدريس من 20 جنيهًا إلى 50 جنيهًا للحصة الواحدة.
عن الكاتب
