من غرفة نشرة لايف الفنية
فى لحظات صراحة ومواجهة بين نجوم السينما والدولة حول سياسة الإنتاج والمحتوى، كانت تصريحات النجوم هانى سلامة وحسين فهمى وإلهام شاهين خلال مشاركتهم في مهرجان الغردقة لسينما الشباب.
أعرب الفنان هاني سلامة عن سعادته بتكريمه خلال الدورة الأولى من مهرجان الغردقة لسينما الشباب، متمنيا نجاح المهرجان في دورته الأولى واختيار أعمال سينمائية جيدة في مصر والوطن العربي.
انطلقت أمس فعاليات النسخة الأولى من مهرجان الغردقة لسينما الشباب، وتستمر فعالياته حتى 26 سبتمبر الجاري، برئاسة السيناريست محمد الباسوسي، وحضور عدد كبير من الفنانين على رأسهم حسين فهمي، هاني سلامة وسلاف فواخرجي، صبري فواز، داليا البحيري، أحمد وفيق، إلهام شاهين، نرمين الفقي، محمود حميدة، وميرنا وليد.
وقال هاني ، أنصح الجيل الجديد بالتنوع.. و«مفيش حاجة اسمها الجمهور عايز كده طول الوقت»
وأضاف: مبتعد عن السينما من وقت الثورة .. والجميع عارف الظروف
قالت الفنانة إلهام شاهين: الدولة لازم تعرف قيمة السينما ومردودها على المجتمع، لأنه أصبح لا يوجد منتجين.
وأضافت: الدولة مطلوبة منها خدمات لوجستية، مش مطلوب منها تدينا فلوس لأنهم لازم يعرفوا قيمة الفن، المطلوب مننا نعمل سينما حقيقية ونرجع الريادة لمصر .
وتابعت: مش لازم كل السينما تبقي أفلام أكشن، علشان تبقي أفلام تجارية، ودية الشباب والعيال الصغيرة بيحبوها، أو أفلام كوميدي، عايزين نعمل موضوعات مهمة، وبعدين فين دور الرقابة
وأختمتت: كل الموضوعات المهمة والقوية اللي بتقدم بتترفض، إحنا لازم نخاف على السينما أكتر،وبنحب البلد دية لأنها هتنهض بالثقافة والفن، وهما دول أقوي شيء عندنا.
قال الفنان حسين فهمي: صناع السينما قطاع خاص، الدول الاشتراكية والشيوعية، هي اللي بتدخل في الانتاج، تدخل الدولة ضار بالسينما،
وأضاف: أنا ضد تدخل الدولة تمامًا، الدولة المتقدمة في صناعة السينما، كلها دول رأس مالية، ولا يوجد تدخل حكومي بيها، والنقابات لازم يبقي ليها مكانة وقوة، تدخل الدولة يبقي للمساعدة، والمشاركة، في تسهيل الإجراءات وليس أكتر من ذلك.
عن الكاتب
