وحدة الرصد السوشيالى ووحدة الشئون النيلية وفريق صداقة بين الشعوب
تداولت جروبات فيس بوك وواتس لسودانيين مقيمين بمصر تحذيرات من نصابين ومحتالين يطرقون عليهم أبواب الشقق التى يستأجرونها، حيث يصطادون السودانيين بالذات من خلال جمع المعلومات أو سؤال البوابين، ويقول عدد ممن يردون على البوستات أنهم بالفعل وقعوا ضحايا لهذه المحاولات، لكنها نصب في مبالغ صغيرة، لا تتجاوز الألف جنيه.
وما يلى واحد من هذه التحذيرات ، والتى نشرته على صفحتها سودانية تدعى هبه عثمان لها الكثير من المتابعين:
⛔هام للسودانيين في القاهرة ⛔
في محتالين بت وولد (مصريين) في بداية العشرينات أو أقل ،وهم مستهدفين السودانييين يدقوا ليك باب الشقة وعندهم معلومة أنه في الشقة دي في سودانيين…
وبيقولوا هم بيوزعوا هدايا للسودانيين مقدمة من جهات بالدولة… وبيقولوا ليك حيكون عندك هدايا لمدة تلاتة شهور وحنديك منتجات… كلما تخلص حنجي ناخد الكيس الفاضي ونديك بدل منهم…
وهنا بيقوموا بسؤالك عن تكلفتك الشهرية للمنتج الفلاني وبيكون طلعوا من الكيس نفس المنتج (صابون بودرة) وإذا قلت أنا شهريا بشتري ب 500 جنيه طوالي بيقولوا ليك يعني 1500 في تلاتة شهور خلاص نحنا حنديك المنتج ده ب 700 لتلاتة شهور.. ويطلبوا منك المبلغ.. 😂
هدايا من الدولة
مش لسه قلتوا هدايا من الدولة؟!!! طبعا رفضت وقلت ليهم ما عاوزة أي هدايا… هدايا تدفع قروشها أنت إزاى… أصلو ما لاقتني… 😂
وغالباً المنتجات الشايلينها في يدهم بتكون ضاربة…. أنا حنيت عليهم شلت منهم صابون يقال إنه صابون حمام…. 😁 لكن طلع مديدة صابون. 😂
الكلام ده كان الأسبوع الفات…
تأمين إجباري
الأسبوع ده… دقوا الباب تلاتة شباب (مصريين)، ماشاء الله لبس وأناقة ودفاتر وواحد شايل لابتوب كمان لونه سيلفر… 😀 قالوا هم تبع وزارة الصحة المصرية وبرضو مستهدفين شقق السودانيين وبيقولوا للبواب نحنا من وزارة الصحة عشان يدلهم على الشقق… وجايين عشان يعملوا لينا تأمين صحي إجباري قال… 😂 … وبسألوك في البداية إذا كنت مسجل في مفوضية اللاجئين ولا لا؟ وعندك كرت ولا لا…؟! وبيسألوك عن أسماء المقيمين في الشقة ويسجلوهم في دفتر معاهم… 😂
لغاية هنا كويسين… أها قالوا رسوم التسجيل في البرنامج ده… 2000 جنيه للأسرة… 🙊
طوالي قلت ليهم مكاتبكم وين؟ لو أنا فعلا عاوزة أتسجل بمشي المكتب … قالوا لي كلام كده ما مفهوم… .قلت ليهم أنا ما عاوزة تأمين ولا عاوزة أتسجل ولا عندي 2000 جنيه ذاته ….قال لي بس يافندم ده تأمين إجباري… قلت ليه مافي حاجة إسمها تأمين إجباري وأنا ما عاوزة تأمين هل في حد يقدر يجبرني؟؟!…
وقاموا مشوا وقفاهم يقمر عيش 😁
المهم الناس تعمل حسابها… وما تفتح الباب لأي غريب وما تسمح ليه بالدخول داخل الشقة نهائياً.
نقاش بين سودانيين بمصر حول وقائع نصب
وفي نهاية التحذير دار نقاش فيما بين عدد من السودانيين بمصر ، حول خبرة كل أحد منهم مع هذه المحاولات، وبالفعل هناك من تعرض لها، واشترى منهم منتجات يتضح أنها غير سليمة، وهناك من دفعوا لهم، وغيره.
وامتدحوا في الأمن المصري، حيث يستطيع القبض عليهم بسرعة من خلال الكاميرات ، محذرين من أن يفتحوا لأحد غريب ، أو يتركوا أطفالهم ينزلون وحدهم الشوارع ، خاصة في ظل عصابات خطف الأطفال كما يقولون، ودعا بعضهم بالعودة لوطنهم.
معروف أنه هناك عدد كبير من النازحين السودانيين ، تقدر أعدادهم بحوالي نصف مليون على أقل تقدير، قدموا لمصر إثر الاقتتال بين الدعامة والجيش المستمر منذ أكثر من عام.
عن الكاتب
