أنا بوضح للناس بتوع الكورة، اللي بتفهم كورة اللي لعبت كورة ، مش اللجان والناس اللي هدفها الشوشرة علي أي كلام.
أو أي نقد ضد من يتبعهم لي اللجان وبعيد عن أي إنتماء.
أنا والله العظيم كلامي علي اعتراضي، علي عدم ضم بعض الأسماء لقائمة المنتخب، كنت بقول اللي جوايا واللي أنا شايفه بس بعيد عن أي إنتماء.
وبعيد عن أي هدف شخصي وبعيد عن أي ترند والكلام الخايب ده واللي عارفني عارف أن أنا مش بتاع الكلام ده.
أولآ : من حق أي مدرب يختار اللعيبة اللي هتفيده واللعيبة المميزة من وجهه نظره فنيا، وممكن تبقي صح وممكن تبقي غلط في الآخر هو اللي هايتحاسب علي اختياراته ونتائجه.
يعني مثلا معنديش مشكلة أنه مايختارش.
محمد شحاتة . أكرم توفيق . حسين الشحات
أحمد ياسر ريان هداف الدوري صلاح محسن وأسامة فيصل من هدافي الدوري وناصر منسي وكانوا موجودين الفترة اللي فاتت كلها في المنتخب.
معنديش مشكلة في كل دول لأن هو وجهة نظره كده ممكن هو يبقي صح وممكن يبقي غلط ودي الكورة.
فيها وجهه نظر صح و وجهة نظر غلط وكل مدرب عنده وجهة نظر مختلفة عن مدرب آخر.
أنا مشكلتي لما يكون عدم اختيار لعيب لمجرد موقف شخصي بينك وبين اللعيب ويضيع مجهود لعيب وحلم لأى لعيب وشرف لأي لعيب تمثيل مصر في كاس العالم.
عشان في مشكلة بينك وبين اللعيب بعيدة عن الفنيات:
مثلا : لما يكون ( مصطفي محمد ) محترف في الدوري الفرنسي دوري قوي واحتكاك قوي وبقى له فترة موجود في المنتخب ومهاجم كبير وخبرهطة هاتحتاجه أكيد.
ومتختارهوش لمجرد موقف شخصي بينك وبينه كل مصر شافت الموقف.
(أحمد الشناوي) من أفضل حراس في مصر وخبرة.
وماتختارهوش لمجرد موقف شخصي بينك وبينه كلنا عارفينه من أيام وجود الكابتن في بيراميدز.
(ناصر ماهر ) من أفضل اللعيبة في الدوري المصري الموسم ده ولعيب عنده حلول ولعيب كوره جامد أوي.
أحرز حوالي 9 اهداف وصانع أهداف.
وماتختارهوش لمجرد موقف شخصي بينك وبينه
لما نزل بوست واعترض علي عدم انضمامه للمنتخب
دي وجهه نظري كلها فى الكلام بتاعي
واعتراضي بس كده وأقسم بالله بعيد عن أي إنتماء
وبعيد عن أي موقف شخصي بيني وبين الكابتن حسام حسن.
عن الكاتب
