زمان، السُلطة كانت واضحة نقدر نقول أنها منحصرة مابين كرسي ، جيش ، دولة أو قرار يُوقَّع في مكتب فيتحرك العالم.
و الكلمة زمان كانت بتحتاج إمضاء ، ختم بس دلوقتي محتاجة واي فاي.
فكرة واحدة، جملة، أو تغريدة، كفيلة إنها تغيّر اتجاه سوق، تهز رأي عام، أو تثير جدل عالمي.
وده معناه إن السُلطة خرجت من القاعات المغلقة وراحت لمن يملك المنصّة.
اعرف أكثر
اللواء د. سمير فرج يسطر: نتنياهو يحرق القرن الإفريقي ويهدد الأمن القومى المصري لمصالحه الخاصة
وبالتأكيد لازم هنا نذكر إيلون ماسك مش كشخص لكن كنموذج بتطوره التكنولوچي و كلمته اللي ممكن تقلب كيان كامل !
لو نشر اي منشور عبر X تويتر سابقا بتخاطب ملايين في ثانية واحدة !
إيلون بيلعب علي ( عقل الجمهور )
عن طريق سلطة المنصّة
هو مش مجرد رجل أعمال و خلاص ده ظاهرة
فلوس، تكنولوجيا، فضاء، ذكاء اصطناعي
و لما اشترى (X) ما اشتراش مجرد شركة لا ده اشترى الرأي العام
و دي سُلطه ما كانتش عند رؤساء دول زمان !
شهوة السُلطة
إيلون ماسك له دماغه وبيستمتع ب أنه بيغيّر القواعد فجأة ف بيهز السوق بتغريدة
وده أخطر نوع سُلطة لانها تعتبر سلطة منغير لجام !
هو طبعا ذكي جدًا
بس الذكاء، لما يتحط في إيد واحدة ومن غير محاسبة،
بيبقى مرعب لان ولا حد بيحاسبه حرفيا
قرارات ايلون ماسك ممكن تهز بورصة ، ترفع عملة ، توقع شركة و تغيّر رأي عام !
هل هو شرير ؟
لا مش شرير
بس كمان مش ملاك !
هو نتاج عصر و العصر ده السُلطة فيه مش دبابة
ولا قانون ولا منصب
السُلطة بقت توقّعات و منشورات .. ومنصّة تضخّم وهو عارف أنه شخصية مؤثرة بالمجتمع كله عالميا دلوقتي.
وهنا السؤال المهم
هو فين مكان مجلس النواب المصري من كل ده؟
للأسف، ده واقف بعيد و بعيد جدا
مجلس النواب لسه بيتعامل مع السُلطة وكأننا في زمن الورق والأختام و العالم خلاص دخل زمن مختلف تماما.
اللي بيحصل في مصر حاليا من مجلس النواب .. حرق وقت، مجهود، وفلوس
جلسات طويلة، مناقشات شكلية، و قوانين مش بتمسّ حياة المواطن بشكل مباشر ده غير ميزانيات المشاريع و المليارات اللي بتتبخر وبتتقسم بعيد عن المواطن و الصالح العام
دلوقتي الوضع بقا مختلف
قولي ازاي ؟؟
حقولك الرأي العام بيتشكّل خارج القاعة ، الوعي بيتحرّك على المنصّات و طبعا التأثير الحقيقي بعيد عن البرلمان خلاص.
إيلون ماسك علّمنا إن المنصّة سُلطة.
ومجلس النواب المصري لم يدرك بعد
إن السُلطة مش في الأوراق ولا في القاعات ولا في التصويت برفع الأيادي.
طب اسألني كمان علي النتيجة من البرلمان المصري إيه ؟
حقولك مكاسب و مصالح شخصية، نفوذ، حصانة، ووجاهة اجتماعية و نقطه علي كده
و بكل أسف مصر لا تستفيد و المواطن مش حاسس بتحسّن
ده كمان المواطن بيدفع الثمن
اعرف أكثر
ادمجوا التكنولوجيا بالقلب:أجيال جديدة لا تتخيل الحياة بدون الذكاء الاصطناعى
المجلس مش بيراقب السُلطة الجديدة،
ولا بيفهم أدواتها،
و معندوش و لا يملك رؤية لمواجهتها أو حتى تنظيمها
ف ازاي مجلس النواب المصري بيمثل الشعب
و هو غايب عن عصر الوعي أصلا ؟
اعرف أكثر
قصة شركات الشيك على بياض التى تنتعش في البورصة بالاستثمار في الذكاء الاصطناعي
و في النهاية
إحنا دخلنا عصر جديد السُلطة فيه مش حضور مجالس نواب ولا خطب، ولا لافتات السُلطة بقت تكنولوجية
العصر اختلف تماما
إيلون هنا هو اللي معاه منصّة و بكده يضمن أنه يقدر يتحكم في الرأي العام و يعمل علي التأثير الملحوظ بالمجتمع
كل ده جميل بس كمان هنا ييجي السوال الأهم و ده عشان تأمين العالم لو المنصّة سُلطة… فين هنا الدستور ؟
و برده خلينا فاكرين أن المنصة هي لغة العصر الحديث .. ف يا ترى إيه دور مجلس نواب مصر من لغة العصر و التطور ده كله ؟
عن الكاتب
