طفل بيتعالج عند دكتور نفسي من وهو 17 سنة و شاف أبوه مدمن وشاف أمه بتجوز مرتين.
وتجار الدين للأسف شوهوا علاقته أصلا بالدين، لما شاف منهم وجه النفاق اللاذع وهما بألف وش علشان مصلحتهم و في وسط ده كله موهبة جبارة مرهقة !!!
طفل تحمل كل أنواع التشويه النفسى ( من الكبار ) سواء بفقدان الثقة فيمن كان يظنهم قدوة أو في البحث عن أي نوع من السعادة حتي وإن كانت كاذبة أو مؤقتة.
طفل ولد في وسط شاف فيه كل حاجة وعكسها اللي وبعدين يقول الفن حرام واللي بيقبل فلوس من جهات أخري لتشويه الفن المصري ده غير الناس اللي مش بيشغلوا غير شيلتهم حتي لو أنصاف موهوبين !!!
مرورا بمرض مامته الغريب النادر !!! أكياس علي فقرات الضهر مما يستدعي التدخل الجراحي الخطير أبو فلوس كتير وموت الأب بالسرطان في صدمة فقدان السند !!
وعاوزينه يبقي عادي ، تصوروا إني باقول لنفسي الواد ده معاه فلوس ؟! يعني هل هو اشتغل الفترة اللي فاتت اللي يامن حياته ؟! هو كله ما تصرفش علي عيا مامته وباباه ؟! طبعا هنا كل الناس هايقولوا دول مليارديرات ما بصعبش عليكي غالي ياختي و هنا بكل الحب أقولهم اتوكسوا !!!
آخر مرة أحمد اشتغل كان إمتي ؟؟؟ طب سمية معتزلة من كام سنة و عيانة بمرض عضال ؟! والله كل واحد شايل شيلته !!! ومطلوب منه يكون آخ أكبر و يكون أب ويكون قدوة للشباب بما أنه مشهور ؟! ليييييييييه ؟! إيه الآدمي في كل المذكور أعلاه ده؟!
يااارب رد عبدك اليك ردا جميلا و أرزقه جبر الخاطر وصلاح الحال وراحة البال وأنا وابني وكل من قرأ وصلي الله وسلم وبارك على سيدنا محمد وعلى آله وصحبه وسلم تسليما كثيرا
آمين يارب
نيرمين السيد
المقالات مساحات خاصة بأصحابها، وليس بالتبعية أن تتوافق مع السياسة التحريرية لموقعنا
عن الكاتب
