د. مجدى يعقوب
شوفت يا محمد اللى الرئيس السيسى عمله
محمد صلاح
لا يا دكتور معرفش عمل إيه !؟
د. مجدى يعقوب
ده طلع كالعاده معلم على كل حاجة وبياخد قراره فى الوقت المناسب ،.
محمد صلاح
حاجه إيه يا دكتور !؟
د. مجدى يعقوب
انتخابات نواب البرطمان
محمد صلاح
لا يا دكتور معرفش هو حصل إيه أصل أنا بلعب كوره وبس ،.
د. مجدى يعقوب
الهباشين والهليبة والمطبلاتية اللى كانوا عايزين يدخلوا البرلمان وياخدوا الحصانة راحوا شخللوا عند بتوع الأحزاب وكلها مصالح بتتصالح ،.
محمد صلاح
مصالح وحصانة ومطبلاتية !؟ ده كان فرح العمدة ده واللا إيه يا دكتور !؟
د. مجدى يعقوب
لا يا محمد الفرح كانوا ناويين عليه لما ينجحوا ويدخلوا البرلمان ! بس الرئيس السيسى قلبلهم الفرح حزن وهم على الكل .،
محمد صلاح
ليه يا دكتور ده راجل طيب ودمعته قريبة
د. مجدى يعقوب
ده صحيح يا محمد بس فى الحق ميعرفش حد ولا مصالح إلا مصلحة مصر وشعبها !!
محمد صلاح
هو عمل إيه يا دكتور ؟
د. مجدى يعقوب
قلب عليهم الطرابيزة وقال مصلحة مصر وشعبها أولا، واللى يدخل مجلس الشعب المصرى لازم يكون بيمثل إرادة الشعب المصرى وبس.
ومستعد للموافقة على إلغاء الانتخابات الباطلة ولو وصلت لإلغاء الانتخابات كلها وإعادتها مره أخرى إذا اللجنة العليا للانتخابات وصلت لهذا القرار.
محمد صلاح
طيب يا دكتور والفلوس اللى دفعوها الهباشين والهليبة والمطبلاتية هيعملوا فيها إيه !؟
د. مجدى يعقوب
ومن أعمالكم سلط عليكم ،. وعلى نياتكم ترزقون
يروحوا يدوروا على فلوسهم بقى عند اللى خدوهم منهم ،.
محمد صلاح
من أول يوم شوفت الرئيس السيسى وأنا قولت انه راجل مش سهل وده اللى يعرف يحمى البلد ويوصل بيها لغايه ما تبقى قد الدنيا بجد.
ربنا يحفظه ويحميه ويوفقه عشان خاطر مصر 🇪🇬🇪🇬
شكرا يا دكتور مجدى على الإفادة
وشكرا للرئيس السيسي على حمايتنا من الأشكال دى.
د. هشام فريد
هذه المساحات خاصة بأصحاب الآراء، وليس بالضرورة أن تتوافق مع السياسة التحريرية لموقعنا ومنصتنا
عن الكاتب
