لما بتروح الدكتور — بتحكيله كل حاجة.
ليه لما بتشتري عقار — بتخبي معلومات؟
في الطب — الدكتور اللي مش عارف تاريخك الحقيقي —
مش هيقدر يديك الدواء الصح.
ممكن تكون بتتساءل دلوقتي عن مقارنة المستشار العقاري
الطبيب، وشايفها مبالغة، أو تشبيه في غير محله.
وفي الحقيقة هو تشبيه سليم مليون في ال١٠٠.
لأن المهن اللي من طبيعة أدوارها تقديم استشارة أو حل، مش هتقدر توصل لحل مناسب وسليم إلا بالتشخيص الصحيح اللي مش حيحصل إلا بالمصارحة وتقديم معلومات وبيانات وسليمة.
والقاعدة العامة هي، لا نتائج سليمة إلا بمُدخلات (معلومات وبيانات) سليمة.
وفي العقارات — المستشار اللي مش عارف وضعك المالي الحقيقي وهدفك الفعلي —
هيديك نصيحة عامة لعميل افتراضي.
مش نصيحة مبنية على وضعك أنت.
والفرق كبير.
وده بالظبط الفرق بين قرار صح وقرار غلط.
ليه المستشار العقاري مش رفاهية؟
كتير بيفكر إن المستشار موجود عشان يبيعله.
والحقيقة إن المستشار الأمين موجود عشان يحميه.
هو اللي بيقولك “لأ” على مشروع ممكن يكون هو التريند الحالي حيقولك عليه لأ — لو مش مناسب لوضعك.
هو اللي بيوجهك لفرصة مناسبة — نموها أسرع لظروفك.
هو اللي بيحسبلك العائد الحقيقي — مش العائد اللي في الإعلان.
هو اللي بيحذرك من ثغرات قانونية — قبل ما توقع.
مش بيبيعلك المتاح — بيختارلك الأنسب لك.
وعشان يعمل ده — محتاج يعرف:
▪️ موقفك المالي الحقيقي — سيولة جاهزة ولا تقسيط؟
▪️ هدفك الفعلي — عائد إيجاري ولا نمو رأسمالي؟
▪️ أفقك الزمني في الإلتزامات المالية لو بتشتري كاش أو تقسيط — سنتين ولا عشر سنين؟
▪️ مخاوفك — من التأخير في التسليم ولا من جودة الإدارة أو شئ آخر.
لما تصارحه بكل ده —
النصيحة بتتحول من كلام عام —
لخطة مالية مبنية على أرقامك أنت. 🎯
الخطر مش في غلاء السعر.
الخطر في خطأ القرار.
وخطأ القرار العقاري —
مش بيتصلح بسهولة.
المستشار العقاري الأمين مش بياخد منك —
بيحمي فلوسك منك أنت.🤝
جملة صادمة، انا عارف بس لازم تكون صريحة وواضحة.
يحمي لك فلوسك منك، لو بتفكر بطريقة غير سليمة، يحميها منك ليك.
مقصدش إنه وصي على قرارك، طبعا لأ، لكنه شريكك المهم في إتخاذ القرار.
صارحه — عشان يختارلك الأنسب.
انت ممكن تكون على دراية كاملة بالأنسب ليك من غير استشارة حد، وده موجود ووارد لو كنت متمرس جدا، ومُطلّع دايما على كل التفاصيل، وفي الحالة دي إنتا أصلا مش محتاج لحد.
لكن خلينا صرحاء، دي مهارة نادرة مش عند الجميع، ولو مش عندك فمش عيب ولا تنتقص منك شئ، وزي ما بيقولوا : الناس بالناس، يعني الطبيعي إن الناس تتبادل المعرفة و تتعاون مع بعض، كل واحد في مجاله وتخصصه عنده ما يقدمه للآخر، وعنده ما يأخذه من الآخر. مفيش سوبر مان.
عن الكاتب
