ممدوح الشافعى
طبعا في ناس مش فاهمة أهمية صفقة الغاز
واللي وقفها النتن بعد رفضنا للتهجير وتدخل ترامب وضغط عليه لاتمامها
خليك معايا أشرحلك ببساطة
▪️الاتفاق دا قيمته حوالي 35 مليار دولار
وهو أكبر صفقة في تاريخ العلاقات بين البلدين
▪️إسرائيل هتورد لمصر حوالي 130 مليار متر مكعب غاز طبيعي لحد سنة 2040
بسعر من 7.5 لـ 8 دولار لكل MMBtu
(مليون وحدة حرارية)
طيب مصر بتعمل إيه؟
بناخد الغاز ده ونحوله لغاز مسال في محطات الإسالة (إدكو ودمياط) علشان ينفع يتصدر
بعد الإسالة… مصر بتصدره لأوروبا بسعر من 13.5 لـ 14 دولار لكل MMBtu تقريبا
اعرف أكثر
يوم مصري أسود: نتنياهو يعلن فى كلمة خاصة الموافقة على الصفقة الغازية مع مصر
الفرق بين سعر الشراء وسعر البيع
نخصم منه التكاليف التشغيلية
والباقي مكسب صافي لمصر
طيب كده إحنا كسبنا إيه؟ ركز
1️⃣ شغلنا محطات الإسالة اللي كانت شبه متوقفة
2️⃣ دخل دولاري من فرق السعر
3️⃣ بقى معانا ورقة ضغط قوية على أوروبا
لأنها هتعتمد على مصر كمصدر طاقة أساسي
طيب سؤال منطقي
ليه إسرائيل ما تصدرش مباشرة لأوروبا؟
الإجابة ببساطة
لأنها ولا اليونان ولا قبرص عندهم محطات إسالة ولو فكرو يعملوا هتكلفهم عشرات المليارات ويستنوا سنين
فالأسهل، والأسرع، والأوفر إنهم يبيعوا لمصر
ومصر تكسب فلوس، وتشغّل بنيتها التحتية
وتتربع على عرش المركز الاقليمي للطاقة
وكمان فيه صفقات مماثلة مع قبرص واليونان
اللي مش فاهم الصفقة
أحب اقولك … السيسي جاب جون لتاني مره في قصة الغاز
الاول لما سحب لقب المركز الاقليمي للطاقة من تركيا
والتاني لما جاب الصفقة دي
وخد بالك أي حاجه الاخوان بتعوي عليها افهم انها خير لمصر
وهي في الحقيقة لعب تقيل بالعقل والاقتصاد
عن الكاتب
