بمناسبة إعلان فودافون المثير للجدل الذي أعاد الفنانة الكبيرة عبلة كاملة للظهور.. خليني أقول لك إن فودافون صرفت على فيديو واحد فقط من بتكلفة وصلها بعض الخبراء لمبالغ تتراوح من نصف مليون وحتى 3 مليون دولار، على Facebook فقط.
فيديو الريلز ده حقق 541 مليون مشاهدة، يعني نصف مليار و٤٠ مليون مشاهدة، اللي هو يعنى تجاوز عدد سكان العالم العربي 460 مليون كله يعني أكثر من سكان العالم العربي مجتمعين ب 81 مليون.
طيب حضرتك.. الرقم ده عشان يحققه فيديو ريلز محتاج من نصف مليون دولار حتى ٣ مليون دولار، وفيه ناس بيقولوا إن التكلفة دي مبالغ فيها وهي يدوب ( ٥٠ الف دولار و ١٠٠ الف دولار). وأنا هعتمد ده عادي.
بس يا ترى الشركة بتكسب كام من العملاء عشان تصرف على فيديو واحد الرقم الضخم ده، بعيدًا عن تكلفة الإعلان والفنانين والممثلين؟
كله من جيوب العملاء المظلومين.. حضرتك جنيه من كل عميل يعني 20 مليون في ضغطة واحدة.
هل فيه رقابة؟! هل الخدمة تستحق كل التكلفة دي؟!
هل تعديل رواتب الموظفين في نفس الشركة اللي بيأخدوا 5 آلاف و7 الاف جنيه طول الشهر مش أولى؟!
هل الملايين دي لما بتدفع دولارات للفيس بوك مش على حسابي وحسابك وممكن جدا نسيبهم للمستوردين عشان يلاقوا
دولارات يستوردوا قمح وسلع ضرورية للناس.. ألخ؟
هنفترض إن دي مشاهدات فييك، دي قصة تانية واشتغالة تانية للجمهور.
المقالات، مساحات خاصة بكتابها، وبالتالى ليست بالتبعية أن تكون متوافقة مع السياسة التحريرية لموقعنا
عن الكاتب
