غرفة الرصد السوشيالى
كشفت الخبيرة الاقتصادية الكبيرة ا.د عالية المهدى، عن مبادرة استثنائية من أسرة أجنبية صديقة لها، بعد قضاء أجازة ممتعة ومنوعة لها في مصر، طبعت كتابا مخصوصا عن الزيارة.
وحكيت لنا د.عالية قصة هذه الأسرة الأمريكية المختلفة، التى تقدر بلادنا أكثر من بعضنا، مسؤولين وشعبا، بقولها: الصيف اللي فات زارت مصر أسرة أمريكية صديقة لابنتي…. أول وصولهم كانت زيارة القاهرة بمتاحفها و أسواقها و نيلها… ثم انتقلوا للساحل الشمالي عندنا في سيدي حنيش و استمتعوا بالبحر و الرمال البيضاء…
ثم انتقلوا لسيوة بأثارها و نخلها و عيونها و تاريخها و رمالها و كهوف الملح بها…
ثم عادوا للراحة في سيدي حنيش و منها انتقلوا للقاهرة لزيارة خان الخليلي و ركوب الفلوكة و أكل الشاورمة…
و من كتر انبهارهم بالزيارة، الأم عملت كتاب عن مصر توصف فيه جمال المناطق اللي زارتها….
فيه دعاية سياحية أكتر من كده؟؟؟
و كان أهم تعليق قالته لي أن دي كانت أجمل رحلة عملتها مع أنها علي طول بتسافر و تلف العالم..
سالتها: ليه…
قالت لي : لأنهم كانوا يعرفوا بعض من أهل البلد ، اللي هما إحنا، وكانوا بيحسوا معانا أنهم في بيتهم…
بس كمان شكروا جدا في الخيام اللي أقاموا فيها في سيوة و كرم أهلها معهم و دعوتهم علي عشاء سيوي معتبر….و كل الناس اللي اتعاملوا معاهم في أثناء زيارتهم بمنتهى الترحاب….
عن الكاتب
