فريق كورة إندكس ووحدة تصحيف السوشيال
كما هو متوقع منذ رصد فريق كورة إندكس ووحدة تصحيف السوشيال، بالأمس في نهايات كلاسيكو الإقليم الأهلى والزمالك، تحول المشجع الزملكاوي الباكى زياد رضا لتريند خلال الساعات الأخيرة.
وكما قال لمنصة إندكس، الدموع نزلت منى من غير ما أدري بعد جول ترزيجيه الثانى من ضربة الجزاء، ولاقينا الماتش بيروح مننا بعدما كنا متقدمين طول الماتش تقريبا.
وفي وصفه لتفاصيل اللقطة، قال أن البكاء كان في نهاية الماتش، لكن طول الوقت كنت بشجع، إحنا مش ضعاف، وقادرين نعوض، لكن اللاعيبة والمدرب عليهم كتير عشان خاطر الجمهور ده.
وعلى صغر سنه، قال زياد وسط أصدقاءه، أن الزمالك حياتى كلها، فهو أكتر حاجة بحبها في حياتى، وأنا مش بشجعه عشان ياخد بطولات، وجمهور الزمالك معروف عنه صبره وحبه لناديه، و دايما وراه في الخسارة والفوز، وقادرين نعوض.
ووفق كلامه معنا، هاجم اللعيبة بقوة، لأنهم ماعملوش اللى عليهم، وأضاف زياد الذي كان لايزال متأثرا بالهزيمة، كنا مطمنين في الأول ، وكنت واثق من الفوز قبل الماتش، عشان كدا اتصدمت بعدما الأهلى فاز في الآخر.
وبمنتهى التآثر، حمل زياد والذي كان وسط أصدقاءه الفرحين بالتريند، وفي نفس الوقت مصدومين من الهزيمة، المدرب اللى مكملش ضغط وكان نص الملعب عندنا مفتوح للأهلى، اللى مافوتش الفرصة خالص.
والغريب إن زياد وأصدقاءه، قال كان عندى أمل نتعادل ونجيب الجول التانى، ولما الموضوع طول، حسيت إن الماتش هرب مننا، وعموما خط الوسط بتاعنا مش جامد والأطراف كمان بتاعتنا ماشتغلتش فى معظم أوقات المباراة، لكن في لاعيبة كان أداءها كويس.
عن الكاتب
