وحدة تصحيف السوشيال
أثارت قناة غير مشهورة حالة من الانتقاد بين المختصين بتعاونها مع سيدة منتقبة لتقديم برنامج لديها، واتهمها الخبراء بأنها تحاول إثارة الجدل لتكون تريند رغم عدم منطقية الأمر، فكيف تتواصل هذه المذيعة المنتقبة مع الجمهور، وكيف يقيم أداءها، وكيف توصل رسائلها، بخلاف مستواها المتدهور في المحتوى والأداء، هذا لو تجاهل البعض قصة النقاب، رغم عدم منطقية الواقعة.
وتوالت الاعتراضات التى رصد منها فريق تصحيف السوشيال في موقع وكالة الأنباء المصرية|إندكس، تعليق علاء فياض رئيس التحرير بقناة النيل للأخبار بقوله، هو الإعلام ده ملوش صاحب ولا حد يسأل عليه، هننجلط كدا؟!، وفق قوله على حسابه بمنصة فيس بوك.
وحسب سرده، بالصدفة لقيت برنامج علي قناة إسمها العاصمة مذيعته منتقبة، مش حتى محجبة!، مضيفا النقاب حرية شخصية كما تقولون، وخايفة علينا من الفتنة… كتر ألف خيرك. بس تطلعيلي على الشاشة تقدمي برامج ليه؟! لما إنتى خايفة من الفتنة.
وبعيدا عن جدلية النقاب الديني، وأنا عارف أن نفسها تبقى ترند أو تكون أول مذيعة منتقبة في مصر.
وأضاف في رأيه المتوافقين معه، لكن مش هو دا نفس التيار اللي كان من سنين يفتي ويقول إن التلفزيون حرام أصلاً؟ طيب وصوت سيادتك مش عورة برضه؟! وزي إخواتك ما كانوا بيفتوا، مش كنت بتفتوا بكدة ولا ايه الحكاية؟
وواصل فياض، بعيدا بقا عن كل ده انتي لسه باين بتتعلمي في الكلام ولا عارفة تطرحى سؤال ولا حتى تتكلمى بشكل مظبوط، متابعا، يا جماعة والله في حاجة اسمها أدوات وإمكانيات محددة في أي مذيع، أنا نفسي من 2002 ورا الكاميرا ولو جيت دلوقت أقدم برنامج هيكون دمي يلطش وهبقا سطحي، الموضوع مش سبهللة كدة.
وقال، حتى النقاب المفروض يقول أنك متدينة وحافظة القرآن، لكن مخارج حروفك دايس عليها قطر ليه، وعرضك للموضوع كأنك ولا حتى خطبتي مرة بين اخواتك في مسجد مثلا.
واختتم، الإعلام بكده دخل مرحلة الشيخة خديجة المغربية وشكله مش راجع دلوقت، أنا رايح أعمل بيات شتوي ولما يطوروا الإعلام ابقوا صحوني، وفق قوله.
عن الكاتب
