وحدة تصحيف السوشيال ميديا وفريق إحنا في ضهرك
معاناة موجعة لا يمكن يتصورها أحد، تعيش حياتها بمتلازمة غير معروفة، سببها اختلال چينى وراثي، لا تظهره أساسا الأشعة والتحليلات، ومع تقدمها في السن،تسوء الحالة للأسف.
تعرفوا على قصة هذه الفتاة، في محاولة لتوفير العلاج لها، ولنتعرف عليها وتحكى لنا تفاصيل معاناتها.
أنا اسمي شيماء سعيد، معايا ليسانس آداب قسم فلسفة، واتخرجت سنة ٢٠١٣، وإعـ ـاقتي دي حركة لا إرادية أنا مولـ.ـودة بيها واخداها وراثة من والدي، وفيه كذا حد فيه عيلة بابايا عنده نفس الإعـ.ـاقة
– دي متلازمة توريت؟
= لا مش متلازمة توريت، دي حاجة في الجينات أنا مولـ.ـودة بيها، كل ما بكبر بتظهر أكتر، وبتأثر على حركة المشي بتاعتي وعلى إيدي، يعني مش بعرف أمسك حاجة أشربها ولا أعرف أمسك طبق ومش بقدر أمشي كويس، يعني أيام الكلية كنت بعرف أروح وأجي، دلوقتي لازم حد معايا، لأني بقـ.ـع فجأة
– بتاخدي علاج؟
= لا مش باخد علاج، وأنا ف أولى كلية عملت كشف طبي وعرضوني ع دكاترة وعملت أشعات ورنين ع المـ ـخ ولقوا كل حاجة سليمة والجسم سليم، هي حاجة ف الچينات سبحانك يا رب مش باينة أصلًا
– طيب مش بتاخدي حاجة تخفف الأعراض شوية
= لا باخد فيتامينات عادية اللي هي B12 والحاجات العادية، وفي مرة من المرات دكتور قالي إنتي عندك صـ ـرع وإداني علاج غلـ.ـط ومرة إدوني إبـ.ـرة دخلوني في غيـ ـبوبة قعدت ٣ أيام مش حاسة بنفسي وكانوا بيدوني أدوية غلـ.ـط، ف الحمد لله خلاص أنا راضية وعارفة إعـ.ـاقتي إيه ومتعايشة معاه ف تمام
– الأعراض بتقل ولا بتزيد
= بتزيد
– طيب إنتي إزاي بتعملي الكورشيه بالدقة دي؟
= أنا لما اتخرجت حاولت أقدم ع وظيفة ومحدش كان بيرضى يشغلني، وقدمت في اللي هي الـ ٥٪ ورفضوا وقالولي إعـ.ـاقتك مش ثابتة علشان جسـ.ـمي بيتحرك كتير وكدة، فأنا أصلًا بعرف أشتغل كورشيه من صغري من أيام ابتدائي
– بتثبتي إيدك ازاي؟
= منا إيدي واخدة ع الإبـ.ـرة لإني بعمل كورشيه من ابتدائي ووضعي في أيامها مكنش زي دلوقتي، أنا كل ما أكبر وضعي بيسـ.ـوء شوية، ويمكن الكورشيه ده أنسب حاجة ليا لأني مكنتش هعرف أروح شغلي بمنظري كدة لأن كل الناس بتقعد تبصلي وأنا ماشية بترعش كدة
– اتعرضتي لمواقف صعبة قبل كدة بسبب موضوع الرعشة ده
= كتير لسة من يومين كنت بشحن أوردر لعميلة عن طريق البريد، ومطلوب مني أمضي اسمي وجسـ.ـمي اترعش خالص، وماما كانت برا وأنا لوحدي وفضلت اترعش لحد ما رجلي وقفت وحطيت إيدي ع الحيطة ونزلت ع ركبي وبقيت أعيـ ـط وأقولهم نادوا أمي تلحقني والناس بقت تحاول تقومني قولتلهم ما تقومنيش هي رجلي اتشـ ـنجت في الأرض خلاص، الموقف ده كان من أسبوع واحد بس والله العظيم.
عن الكاتب
