من وحدة التغطيات الرسمية
في نهاية اليوم الثانى لمؤتمر حكاية وطن، حذر الرئيس عبد الفتاح السيسي، من الجرائم الإلكترونية من خلال تقنيات الذكاء الاصطناعي، موضحا: “كنت بتكلم مع المجلس الأعلى للقضاء، وقلنا فكروا مع بعضنا في موضوع الجرائم الإلكترونية ولجنة متخصصة في الذكاء الاصطناعي، لأن إحنا شايفين الموضوع هيقفز مننا يا دكتور مصطفى مدبولي، وقد لا نكون إحنا منتبهين من انعكاساته علينا سواء كمعرفة أو تطور أو جرائم، لازم نعمل التشريعات اللازمة في المجال .
وتابع خلال مؤتمر “حكاية وطن”: “وزارة الاتصالات مش بنبخل عليها ولا على الدكتور عمرو طلعت في أي مطالب له، لأنها مطالب مشروعة لأن كل جنيه بنصرفه في قطاع الاتصالات بتكون تأثيراته قوية علينا وضخمة جدا على مصر.
مفاجأة الكابلات البحرية
وأشار: “موضوع الكابلات البحرية العالمية اللي 90% منها بيمر في مصر، وإحنا بنتكلم مع بعض الدكتور عمرو طلعت وزير الاتصالات من سنتين أو 3 سنين، قال لي الكابلات بتتقطع قلت له بتتقطع إيه؟ ما تعمل على محور قناة السويس فقال لي ده إحنا بقالنا 10 أو 20 سنة مش قادرين، يا نهار أسود!!
وأضاف، قلت له ده بكرة يتعمل وخلصنا وعملناها، وقلت له لو عايز تعمل 10 كابلات أنا جاهز، ليه أنا جاهز، مش فرد عضلات، ولكن علشان القطاع عنده فرصة والمكانة اللي توصلنا إليها حرام إننا نفقدها نتيجة ممارسات مش كويسة، فرصتنا إن إحنا نستفيد من التحولات وأنا معاكم في إننا نتحرك ونتقدم”.
عن الكاتب
